青心直说：散户不识过江龙- 胡孟青

　　多得美国及新兴市场需求有增无减，全球最大矿商必和必拓上半年纯利升72%至105.2亿美元，既增派息更增加回购，引伸至同板块跨国企业，肯定即时会谂起淡水河谷呢条过江龙。 淡水河谷普通预托证券 (6210) 及优先预托证券 (6230) 昨天分别升0.96%及1.45%，但成交就未有大动作；股价虽较上月中高位回落5%，仍较去年12月初挂牌时高。

　　香港、伦敦、新加坡三地挂牌之保诚 (2378) 就更加唔嘢少，自去年5月挂牌以来足足升逾5成，大把人跌眼镜。 唔好忘记，呢两间公司一向系国际市场上机构投资者及基金宠儿，只系公司性质唔啱本地即食炒卖文化，至会水土不服，香港投资者都要时间适应这些较另类，又唔兴搵写手吹嘘慨股，股价自然唔会行得比人快。

　　只顾炒卖易走宝

　　信奉有麝自然香，有历史同盈利纪录慨行业龙头，识货之人早已移船就磡在其原本上市地或透过基金吸纳，仲使等你带渠嚟香港咩！ 成交唔够活跃，点解唔怪本地投资者投机心切？ 点解唔怪好多股评人连淡水河谷个冧把都未嗡得出？ 点解唔怪投资者不顾公司业务只顾关心股价上落？

　　上海交易所同巴西交易所将签订合作备忘录，两地股票将交叉上市挂牌，港交所 (388) 搭好平台，本地投资者却唔肯进步，停留喺即日鲜炒炒卖卖，正正经经坐住一只半只肯生性慨股份都好似俾针拮咁，形成流通量及交投不足。 股坛长毛系又轰唔系又轰，点出问题所在都应该提供解决方法，分析畀大家知点解呢两只过江龙唔应该咁鸡，甚至可以当圣诞节、新年、情人节甚至复活节礼物送出，等盲毛丧追，低流通量问题即迎刃而解。

　　假如我有多余钱，真系唔太介意攞少少嚟坐，起码唔怕通街散户同时被庄家鱼肉，失惊无神随时突然冧包山，当然，最理想系上市公司生生性性，唔好俾班大行即大鳄市场大庄家有机可乘殃及池鱼。

　　胡孟青

　　独立股评人