南中国海的两岸：五一两个星期，我分别到左南中国海既两岸——南岸马来西亚沙巴；北岸广东阳江。今个五一实在超值！ 南岸 马来西亚沙巴：北望南中国海，南靠加里曼丹岛内陆，西临文莱。系一个近年开发既旅游热胜地，椰林树影，水清沙幼......Eleven：从广州机场出发，个位安检人员竟然用英文指示我去十一号柜台。吾通鱼蛋真系好似外国人？？哥达基纳巴卢：沙巴既首府，开头仲以为系非洲某个国家添，失礼失礼。马奴马奴干岛：一个有好多鱼既岛，其中仲有D鱼系彩色既添，正当大家兴奋之际，妈妈语出惊人：呢D鱼一定好好吃......沙比岛：人间天堂阿，真系好似夏日么么茶里面果个沙滩，有好多鬼佬鬼妹系度晒太阳，当然吾少得俊男美女，性感泳装啦。大饱眼福！岛上面仲有好多野玩，鱼蛋就玩左香蕉船同浮潜。前者比较无聊，无想象甘好玩；后者就正好多，拿住块面包潜落水，就会有几百条鱼围过黎，好过瘾嘎！中文：系沙巴感觉就好似系香港甘，因为周街D广告招牌都有中文，就连书店都有三分之一既地方系埋中文书。不过果D中文书都系繁体字，仲要系从右到左，由上而下写既，真系睇到头晕。高尔夫度假村：一眼望去满眼青草，你都米话吾正阿。虽然饮食方面真系嘛嘛，同马尔代夫差好远，但系住既环境就一流！鱼蛋住果间房就对正泳池啦。真系睁开眼就可以跳落水咯！长鼻猴+萤火虫：系咖啡色既河水（导游话果D吾系污染）上面坐船穿越红树林，寻找马来西亚国宝：长鼻猴。听讲距个鼻好大（紧系啦，有名你叫）。不过就远远不及大熊猫可爱咯！至于萤火虫，就真系无得弹。一到晚黑，萤火虫就会聚集系某D树上面，一闪一闪，搞到棵树变左圣诞树！浪漫程度爆棚！五日四夜：本来今次旅游系四日三夜，点知走果日广州挂红色暴雨，飞机误点，所以系马来西亚留多各钟咯。到第日照早6点先翻到屋企。 北岸 广东阳江：南望南中国海，背靠中国南方，西临茂名，东临江门。系一个有一段历史既旅游城市，其中闸坡系旅游业的重点所在，阳光与海滩既集中地！碧螺湾：去过阳江几次既鱼蛋今次竟然都有惊喜，就系碧螺湾呢个新开发既沙滩。规模比金沙湾细，但剩在人少干净。附近仲有一座小山丘，可以爬上去俯视沙滩全景，一个字：正！05室内：通常去到沙滩，男生都会一除衫就跳晒落水。点知我地05室内班就岩岩相反，D女生各个英勇，除左对鞋就个个跳晒落水，而D男生就一字排开企系岸边睇主班女生，成为呢个沙滩既另一道亮丽既风景线！马尾岛码头：一早起身就被老师“遗弃”系码头，丢下一句：晚上6点翻黎接你地就一溜烟甘走左。成10个钟对住个码头系人都颠，于是吾够半个钟，原本人山人海既码头就人烟都无晒。大家都各散东西。有人出海，有人逛街。我地就出左海，画左几幅速写，总算有收获！麦肯基事件：突然收到阿梦求救，话系麦肯基（一间摆明抄袭既快餐厅）比人意图打劫。于是阿博就带左几个人去解救。沿途都有人加入队伍。结果总共有二十几人杀入餐厅。吓到D员工个个心惊惊。后来总算有惊无险啦！黄包车：中国D旅游景区就系管理差D，我同大P本来打算夜晚出去买野，点知就有3个黄包车夫过来搭讪，第一句问：去吾去吃宵夜。见我地Say No，距马上神神秘秘甘讲：三蚊一个带你去红灯区稳靓女咯！哇靠！真系猖狂！当我地再次Say No既时候，距竟然爆出一句：吾沟女啦？我当堂联想起春天花花校长果句：吾钓墨鱼啦？督屎有得食：去到一个小渔村速写，果度D人都好友善，我地好快就同距地混熟左。单挑就收左一班Fans，仲开埋签名会添！有个阿婆好主动甘过黎同我地倾计，可惜距D阳江话好重，鱼蛋好辛苦先听到三成。最后距语重心长甘同我地讲：督屎有得屎......笑到我地个个爬响度。其实阿婆既意思系：读书就有得食! 一连两个星期既南中国海两岸游就结束左啦，有好多好多野值得鱼蛋回味。特别系阳江之旅。而鱼蛋亦都觉得，我地班既凝聚力有加强左吾少。好期待下一次实习！（偷偷地话比大家知，我地实习系一年一次哦！）哈哈哈！