8.7 下川岛の旅 呢几日都无咩时间写去完下川岛玩嘅感受...依家先得闲写返~!8.7号呢一日一早就出发搭车去下川岛噜...心情有D兴奋啦!因为係阳光与海滩嘅地方~!感觉真係好正...係三四个钟头搭车又搭船终于来到下川岛啦!係酒店放低D嘢,我即刻换好新买嘅BIKINI就向海滩出发啦...酒店离海滩都几近..周边嘅环境真係好舒服,最啱就係来度假! 来到海滩,阳光好灿烂啊,不过真係好鬼晒!就来烧熟咁...哈哈哈~我就梗係嗱嗱声去大海啦..最重要係要着返件救生衫先~!係海水嘅感觉真係舒服~!哇哈哈哈.......我开始同浪搏斗啦~!点解???之唔係因为超级大浪咯,我都俾D浪冲过好几次啦~好好玩啊!仲要成日都饮到海水添...而且俾我见到彩虹啊!真係好靓..我仲影低咗添啊~呵呵...同浪搏斗咗好耐,好攰噜..晚上梗係吃餐好噶啦,,吃到好饱添...再行行情人路...舒服~! 虽然两日时间好快就过,不过呢两日係下川岛感觉好正,好舒服~!可以RELAX下啊嘛...